غنوتى فى حيـرة حـريتـى

الضحكة حزنانة..والقولة تعبانة.. والحبلى حامل ف الولد

صرختها ف الصدر مكتومـة...سعدالله جوزها إتقتل يا بلـــد

وحنـــا فى الكشـــح ...مـربوط فى شـجرة .بيتجلـــــــــــــــد

والعدل أصبـــح عــدم ..والظلــــــم فيكــى أصبح أســـــــــد



غنـــوتى ليكــى يا مصـــر...وجــــوا الضلـــوع ألــــــــــم

يا أم الشهــــــــــدا القبـــــــــط..إدينـــــــى الأمـــــــــــــــل



لا مـــــره كليـــــــت...و لا نفســـــى عرفت يوم مــــــــلل

جايللــك يا مصـــــــر يا مصـــرى... وهاأعلى فيكى الهرم



جايلــك ..ومهمـــا الطريــق ها يطـــــــــــــــــــــول....

جايلــك وبقلبى..ولسانـى ..وعقلى..وعافيتى هأقــــول

هــأقـول لسعدالله وحنـا ومتـى.. مصر لينـا علطــــــول

مبارك شعبى مصر..والحيتان هاترحل ومعاهم الغــول



يا مصــــر يا شــــابه ياأم الســــبع تلاف عـــــــام..

وأنا الشــــاب ... ومابـــين ضلــــــــوعى زحــــام...

خايف أنــا ....وخــــوفى منــــك وفيكـــــــــــــــــى...

خايف وأخـــرس ......لكن قلبــــى مليــــــان كلام...



قوليـلى يا مصـر ..الكشـح دى حقيقه ولا كلام أوهــــام

قوليـلى يا مصـر ..عاطف ومتـى وحنـا..ماتــــوا إذاى؟

ودم الرضيعه ع الارض يصــرخ....فيــن مصـــر الأمان؟

ودم الرضيع ع الارض يصــرخ....فيــن مصـــر الأمان؟



هاصلــى لك يا مصــــر...لاجل ابتسامتـــك تـــــــرجع

هاصلـى لك يا مصـر...لاجل المحبه ف قلبك تانى تطلع

هاصلــى لاجل إللـــى قلبــــه...بينتــــــــح ســـــواد..

لاجل إللـــى ع المسيحــى ...دايس بأيده ع الزنـــاد



هأبقى بصــــلاتى ....عـــلامة ســــــــلام...

هأبقى بصــــلاتى ....فقســـــــة حمــــام...

وغصن الزتــــون إللى ماتــــت أصوله..

ودبلــت عيــــدانه..ونشفت غيطـــــانه...

هاصلـــــى لاجل مايغـــور الشيطان إللى طالع مكانه



هاصلـــــى لاجل إلى بيدبح فى الولد قدام أبــــوه..

هاصلـــــى لاجل إلى بيدبح فى الأخ قصــــاد أخــوه..

هاصلـــــى لناصر إللـــى مـــن الرابـــع رمـــــــوه..

غنوتى لكل قبطى..لأبويا البابا إللى م الألم بكــــــوه..



هاصلـــــى لاجل إللـى بيفتح بطون الولايا بسكين من حديد

ولا عينـــــــه بتــــــدمع. ...ولا هامــــوه صــــرخة وليـــــد

هاصلـــــى لاجـــــل كلمـــة مــوده....دابت تحت الجليــــــد

هاصلـــــى ليونــس وزينــــــب ...وحنـــــــــا وصليـــــب



هاصلـــــى ل متــى وبولس...وعيشــــه وعبد الوديــــــد

هاصلـــــى لاجل طفل يتيم..فى أيده لقمه وف عينه دمعه

والخـوف والرعــب زى الكــلاب....ساده قدامــه الطريق

هاصلـــــى لاجل كنيسه بتحرق..وإللى يطفى يكـــون شهيـد



هاصلــى لاجل رب أسره يايبقى مسلم يا تهمه وكلام تلفيق

هاصلــى لاجل ألاقى شارع يمشى فيه كاهـن بدون تهـديــد

هاصلــى لاجل مــولــود ...لســه وليــــد...

هاصلى لعاطف عزت ذكى إلى يمينه إتقطعت لاجل مافيها صليب

هاصلى لاجل حبيبه ف الكشح ضاع شرفها...وبكى عليهـا حبيب



هاصلى عشان طفـــل باكـــى...

عشـــــان حنيــن دافــــى...

لاجل يسوعنا ييجى يلم الحوافى..

ويلم الشتات إللــى أصبـح بعيـد...



هاصلى عشان وليـــد .غموسه يكفــى..

لحافه يدفـى...لاجل دمه يجرى ف الوريد

هاصلــــى لــــك يا مصـــــــر....

هاصلــــى لــــك يا مصـــــــر....

هاصلــــى لــــك يا مصـــــــر....